Երևանում անցկացված Հայաստանի տեղեկատվական տեխնոլոգիաների (ՏՏ) մրցունակության երրորդ ամենամյա համաժողովի մասնակիցներն ասում են, որ համաշխարհային տնտեսական ճգնաժամը բացասական ազդեցություն չունեցավ Հայաստանի ՏՏ ոլորտի վրա: Ընդհակառակը` նախորդ տարվա ընթացքում այս ոլորտում որոշակի առաջընթաց է գրանցվել:
Համաժողովն անցկացվեց ԱՄՆ ՄԶԳ ֆինանսավորմամբ իրականացվող «Մրցունակ մասնավոր հատված Հայաստանում» (CAPS) ծրագրի նախաձեռնությամբ: ԱՄՆ ՄԶԳ Տնտեսական աճի գրասենյակի տնօրեն Դեյվիդ Հալն իր ելույթում ասաց, որ, ֆինանսական դժվարին ժամանակաշրջանում հայաստանյան ՏՏ ոլորտը գրանցել է մի շարք ձեռքբերումներ. հարկային և մաքսային բարեփոխումներ մասնավոր հատված-կառավարություն հաջող համագործակցության արդյունքում, բջջային երրորդ օպերատորի` «Օրանժ-Արմենիայի» մուտքը հեռահաղորդակցության շուկա:
«Հայաստանի ՏՏ ոլորտի մրցունակությանը մեծապես կարող են նպաստել նորագույն տեխնոլոգիաների հնարավորինս արագ ներմուծումը, միջազգային լավագույն փորձի տեղայնացումը, հայերեն տեղեկության առկայությունն ու կրթական միջավայրի ստեղծումը»,- համաժողովի իր ելույթում նշել է CAPS ծրագրի ՏՏ կլաստերի համակարգող Արմեն Աբրահամյանը:
1990 թվականից սկսած Հայաստանում ՏՏ ոլորտի զարգացման նոր դարաշրջան սկսվեց, երբ ծրագրավորող ամերիկյան մի շարք ընկերություններ հիմնեցին իրենց երևանյան մասնաճյուղերը, դրանց թվում էին Boomerang Software-ը, Credence Systems-ը և այլն: Ներկայումս Հայաստանում ՏՏ ոլորտում մասնագիտացող 210 ձեռնարկություն կա, որոնցից 58-ը` արտասահմանյան: Այս ընկերությունների տեղեկատվական արտադրանքը (70 մլն դոլար ընդհանուր արժողությամբ) արտահանվում է աշխարհի ավելի քան 20 երկիր
Subscribe to:
Post Comments (Atom)
No comments:
Post a Comment